Тыдзень музеяў устаноў адукацыі
Напярэдадні рэспубліканскага форуму музеяў устаноў адукацыі «Памяць народа ў надзейных руках маладых» з 18.10.2021 па 23.10.2021 пройдзе рэспубліканскі Тыдзень музеяў устаноў адукацыі.
Своеасаблівы старт Тыдня будзе дадзены ў рамках адкрыцця выставы экспазіцый музеяў устаноў адукацыі «Школьныя музеі - новыя магчымасці» ў Нацыянальным гістарычным музеі Рэспублікі Беларусь.
Мерапрыемствы будуць праходзіць па ўсёй краіне пад дэвізам "Музей для ўсіх".
У рамках Тыдня на базе музеяў устаноў адукацыі Гродзенскага раёна запланавана правядзенне розных мерапрыемстваў: адкрытыя музейныя заняткі, інтэрактыўныя экскурсіі, выставы-прэзентацыі, лекцыі, круглыя сталы, канферэнцыі, у тым ліку ў анлайн і афлайн фарматах.
Пазнаёміцца з музеямі, якія дзейнічаюць ва ўстановах адукацыі Рэспублікі Беларусь, можна наведаўшы сайт Рэспубліканскага цэнтра экалогіі і краязнаўства. На старонках сайта размешчаны пералік віртуальных музеяў устаноў адукацыі, якія размеркаваны па профілях і па рэгіёнах з пераходам на сайт пэўнага музея. Тут можна знайсці інфармацыю не толькі аб экспазіцыях музея, але і аб рэалізацыі музейных праектаў, распрацоўкі музейных заняткаў і інш., а таксама пазнаёміцца з вынікамі даследчых і творчых работ саветаў музеяў.
