Дзень беларускага кіно
17 снежня ў Беларусі адзначаецца Дзень беларускага кіно Гэта прафесійнае свята рэспубліканскіх кінематаграфістаў было ўстаноўлена ўказам Прэзідэнта ў 1994 годзе.
Дата для свята абрана не выпадкова. Менавіта 17 снежня 1924 года выйшла пастанова Савета Народных камісараў "Аб кінавытворчасці ў БССР". У той жа дзень пры Наркамасветы было створана Дзяржаўнае ўпраўленне па справах кінематаграфіі і фатаграфіі — «Белдзяржкіно». Былі зняты першыя хранікальныя кадры аб падзеях тых гадоў.
У 1926 годзе беларускія гледачы ўбачылі першы айчынны «баявік» - «Лясная быль» Юрыя Тарыча, паводле аповесці Міхася Чарота «Свінапас».
Юрый Віктаравіч Тарыч (1885—1967) і Уладзімір Уладзіміравіч Корш-Саблін (1900—1974) лічацца заснавальнікамі беларускага кіно. Яны назаўжды ўвайшлі ў гісторыю беларускага кіно, як першыя айчынныя сцэнарысты і рэжысёры.
У 1928 годзе была заснавана кінастудыя "Савецкая Беларусь", якая з-за адсутнасці ўласнай тэхнічнай базы да 1939 года працавала ў Ленінградзе, а потым пераехала ў Мінск. На "Беларусьфільме" знята больш за 500 мастацкіх фільмаў, некалькі тысяч дакументальных і каля 100 мультфільмаў. У гады Вялікай Айчыннай вайны тут таксама выпускаўся кіначасопіс "Савецкая Беларусь", які змяшчае франтавую хроніку.
У 1996 годзе кінастудыя атрымала новую назву - «Нацыянальная кінастудыя «Беларусьфільм». А работы беларускіх кінематаграфістаў неаднаразова былі адзначаны ўзнагародамі розных міжнародных фестываляў. Дарэчы, Саюз кінематаграфістаў Беларусі быў заснаваны ў 1962 годзе.
Сёння Беларусь па праве ганарыцца многімі таленавітымі рэжысёрамі, акцёрамі, мастакамі і аператарамі, якія стварылі сваімі работамі залаты фонд нацыянальнага кіно Рэспублікі. Але не адстае ад іх і сучаснае пакаленне - з'яўляюцца новыя імёны і карціны, якія з поспехам удзельнічаюць у розных прэстыжных кінафорумах.
